780-90

اخر الأخبار

اليك كل ما تريد معرفته عن تمارين لزيادة الطول في الجيم

كل ماتريد معرفته عن زيادة طول الجسم وطول القامه موجود بهذا المقال

ناس كتير بتروح الجيم وتطلب من الكابتن تمارين لزيادة الطول او حتى يبحثوا عالانترنت تمارين زيادة الطول واشهرهم تمرين العقلة اللي مشهور ومنتشر بين الناس على انه تمرين لزيادة الطول

في الحقيقة ان الطول وزيداته دي بتكون مجرد جينات كل شخص اتخلق بيها مينفعش التغيير فيها


في بعض الشباب بتقول انها استمرت على العقلة وطولت ايه تفسير الكلام ده طالما العقلة ملهاش علاقة بزيادة الطول ؟

اول شيء ان يكون الشاب اللى استمر على العقلة وطول انه اقل من 18 سنة
الشباب اللي سنها اقل من 18 سنة نموها بيفضل مستمر الى 18 سنة وممكن يزيد طوله 5 سم - 10 سم - 20 سم ... اقل او اكثر ... المتحكم في زيادة الطول دي الجينات فقط مفيش تمرين معين هيخليك تحصل على زيادة الطول اللي تتمناها لان مفيش تمرين بيفرد العظام ويطولها


تاني شيء ممكن يخلي شخص يقول ان العقلة ساعدته في زيادة الطول ان الشخص ده غير رياضي وبدأ ممارسة التمارين الرياضية في الجيم او اي نادي رياضي ومع الممارسة المستمرة تقوية عضلات الظهر بتؤدي الى فرد الظهر فقط ... يعني الشخص الغير رياضي غالبا بتكون عضلات ظهره ضعيفة ومقوسة ومع ممارسته للتمارين بما فيها العقلة وتقويته لعضلات ظهره بيبدأ ظهره يتفرد ويتخلص من التقوس عشان كدة يبان انه اكتسب بعض السنتيمترات الزيادة وان طوله زاد
نستنتج من الكلام ده ان العقلة مش بتساهم في زيادة الطول بشكل مباشر لكن هى هتساعد في تقوية عضلات ظهرك والتخلص من التفوس ودة اللي هيخلي ضهرك يتفرد

طيب هل العقلة كافية لفرد الظهر والتخلص من التقوس وتقوية عضلات الظهر ؟


العقلة من اهم واقوى تمارين الظهر على الاطلاق برغم ان في كتير من الشباب والبنات مش بيقدروا يلعبوها ... بتحتاج ممارسة وتعليم وتغذية صحيحة عشان تقوي جسمك واعصابك ومع الممارسة هتقدر تمارسها بسهولة
كدة عرفنا ان العقلة مهمة للظهر عموما لكن هتحتاج جمبها تمارين للظهر تانية للوصول الى اقصى استفادة واكبر تقوية لعضلات الظهر
يفضل تدريب عضلة الظهر مرتين اسبوعيا بينهم راحة على الاقل يومين للاستشفاء والتنويع في التمارين بين اليومين الدول والتركيز عليهم لفترة لا تقل عن شهر مع الاهتمام بزيادة الاوزان والاداء الصحيح
الظهر عضلة كبيرة تحتاج في المتوسط 8 تمارين موزعين على اليومين دول يعني ممكن 4 تمارين اول يوم واليوم التاني 4 تمارين تانية
ولو مبتدأ ممكن من تمرينين الى 3 في اليوم واليوم التاني نفس الكلام
وقابل للزيادة او النقص على حسب مستواك التدريبي

اهم تمارين اللي بتستهدف عضلات الظهر بشكل قوي :

Barbell Deadlift الرفعة الميتة


Bent Over Barbell DeadLift التجديف الحر بالبار


Wide Grip Pull Up عقلة قبضة واسعة


Chin Up عقلة قبضة ضيقة معكوسة


Wide Grip Pull Down جهاز السحب العالي قبضة واسعة


Close Grip Seated Cable Row جهاز السحب الارضي قبضة ضيقة


Single Arm Dumbbell Row سحب بالدمبل فردي


Standing T-Bar Row تجديف بالبار شكل "T"

اهم شيء هو الاداء الصحيح مع زيادة الاوزان باستمرار ده هيقوي عضلات الظهر ويفردها ويخلصك من التقوس حتى لو بسيط وغير واضح ودة اللي هيخليك تكتسب سنتي او 2 او اكتر زيادة على طولك

لكن لا يوجد تمارين لزيادة الطول بشكل مباشر العامل المتحكم في زيادة الطول هي الجينات فقط - إذا كنت سوف تكون طويل القامه ستكون طويل بجيم او بدون جيم وإذا كنت ستكون قصير القامه ستكون قصير بجيم او بدون جيم لكن يمكنك التمرين لفرد جسمك فهو يعطيك مظهر جيد وكأن طولك زاد .

ليست هناك تعليقات